(續上一篇)

看罷今天報紙, 全部笑周秀娜答問白痴. 但要回應教授問「喺 intensive moment有冇一種 pleasure....」「你有冇一種慾望去梳理下好複雜的自己?」「去追尋自己做甚麼, 去追尋自己是誰, 是否很重要?」

不要說周秀娜, 也許任何一個正常人也會當場語塞, 而且她不過是一個20幾歲的女孩子. 我還沒機會看整個錄影片段, 但是從報紙的「逐字紀錄」(部分), 我覺得她答得並不差呀..

http://orientaldaily.on.cc/cnt/entertainment/20091008/00282_001.html?pubdate=20091008

教授：你覺得呢個年紀嘅人，有乜共同特色？

周：無咗電腦會死，依家好多時喺網上搵資料。

教授：除咗呢樣，生活上呢？

周：大家都好鍾意好爆嘅嘢，差異好大嘅嘢（全場笑），例如巴士阿叔。

教授：有乜差異？

周：er……（答唔出）大家都追求刺激，依家年輕人好鍾意玩自拍，我都係其中一個。

教授：你係咪覺得呢代人，好鍾意激烈情緒同情感上得到愉悅？

周：好深喎。（全場大笑和拍手）

教授：自拍愉悅係咪快樂一種，自拍同反叛有冇關係？

周：個個定義唔同，以前鍾意，依家係工作一部分，啲人用呢種方法放上網，證明自己嘅存在。

教授：自拍同反叛有冇關係？

周：你指情色成分。

教授：唔係，我指係反叛？

周：反叛有好多嘢否定，例如阿媽唔想我做月入八千元sales，想做醫生，律師，自己唔自覺得做八千蚊sales係反叛，想做自己嘅嘢。

教授：自拍同反叛有冇關係？

周：我覺得自拍好開心。

教授：有冇曾經後悔，例如我曾為讀書無睇一場騷？

周：我好後悔無好好讀書。

教授：對於我無睇騷，你有乜comment？

周：教授我好難comment你。（部分人拍手）

教授：依家年輕人係點？

周：我唔係好理解依家年輕人，因我都唔了解自己，要搞掂自己先。

教授：咁你有無衝動同欲望梳理（意思整理）自己。

周：你可唔可以講多次？係咪逃離？

教授：係好好了解自己。

周：會呀，有時唔知自己做緊乜，係想知自己點解要咁做。

教授：你覺得年輕人追求自己或做緊乜嘢係咪好重要？

周：好深，我諗係重要嘅，唔係追求自己係追求自己嘅目標，係無止境追求更高位置，對我嚟講係一種快樂。

教授：快樂對你嚟講係咩，你快唔快樂？

周：快樂，我好鍾意自己嘅工作，雖然過程有唔開心，有困難，快樂係自己追求，唔可以停留，要知道自己為乜而笑。