香港新浪網 MySinaBlog
maren tam | 20th Nov 2013, 00:01 AM | 新聞背後

      是日專訪國際級大人物, 只是圍訪, 小圍, 連我在內四個記者.

      由於是圍訪, 大家一齊發問, 因此我只看了約2-3小時資料, 諗住大家互相補足咁上下啦. 今天我有兩單訪問, 唔夠時間準備, 平時做大人物專訪之前, 找、看、記資料一般要用上4至5小時.  

      點知問了1.5小時, 只有我在問, 及有個廣州記者問了兩三題, 另外兩個啞咗咁, 一味抄. 我一唔問就dead air. 雖然係英文, 但個professor的英文都算易聽啦, 又用例子解釋. 以往我去的圍訪, 大家至少都貢獻一兩條問題, 從未試過今日咁誇張.

       攝記ken話, "咪仲好, 變左你專訪. "

       我話, "嘩, 咁應該俾我獨家專訪喎. "

       You know, 記者是reporter, 不是recorder.